Պուտինի այցի արդյունքներով Ռուսաստանը և Թուրքիան 8 փաստաթուղթ են ստորագրել

Անկարայում այսօր տեղի ունեցած` Պուտին-Էրդողան հանդիպումը տևել է երեք ժամ. հայտնում է РИА Новости-ն:

Ռուսաստանն ու Թուրքիան Պուտինի  այցի արդյունքում ստորագրել են ութ համատեղ փաստաթուղթ, որոնք հիմնականում վերաբերում են  էներգետիկ և առևտրի ոլորտներին: Այդ թվում ստորագրվել է փոխըմբռման մասին հուշագիր ռուսական «Գազպրոմ»-ի և թուրքական Botas-ի միջև: 

Ըստ ТАСС-ի՝ Պուտինը նաև  հայտարարել է, որ Ռուսաստանն այլևս չի կարող շարունակել «Հարավային հոսք» նախագծի իրականացումը, քանի որ Բուլղարիան մինչ օրս իր համաձայնությունը չի տվել, և նման ապակառուցողական պայմաններում նախագիծը չի կարող իրականացվել: Նա նշել  է, որ Ռուսաստանը մտադիր է նոր խողովակաշարեր կառուցել  դեպի այլ շուկաներ, այդ թվում` Թուրքիա: