Արագած լեռ բարձրանալիս «ՈՒԱԶ»-ը գլորվել է

Հուլիսի 23-ին, ժամը 17:47-ին տեղեկություն է ստացվել, որ Արագածոտնի մարզի Արագած գյուղից դեպի Արագած լեռ բարձրացող ավտոճանապարհին տեղի է ունեցել ՃՏՊ, կա 1 տուժած. անհրաժեշտ է օգնություն:

Դեպքի վայր է մեկնել մեկ մարտական հաշվարկ:

Պարզվել է, որ Արագած-Արագած լեռ դաշտամիջյան ավտոճանապարհի 10-րդ կմ-ին «ՈՒԱԶ» մակնիշի 08 UL 011 պետհամարանիշով ավտոմեքենան (վարորդ՝ 1975 թ. ծնված Կ. Ա.) դուրս է եկել ճանապարհի երթևեկելի հատվածից և գլորվել ձորը, ինչի հետևանքով ուղևոր՝ 1991 թ. ծնված Ա. Մ.-ը ստացել է մարմնական վնասվածք և տեղի ուժերով տեղափոխվել Երևան քաղաքի «Արմենիա» ԲԿ:

Փրկարարները հոսանքազրկել են ավտոմեքենան, որը ճանապարհի երթևեկելի հատված դուրս բերելու համար հարկավոր է հատուկ տեխնիկա: