Ռուս լեռնագնաց է զոհվել Էվերեստը բարձրանալիս

Ռուս լեռնագնաց Ալեքսեյ Բոլոտովը զոհվել է` նոր երթուղով Էվերեստը բարձրանալու ժամանակ անդունդը գլորվելով: Ռուսաստանի լեռնագնացների դաշնության ներկայացուցիչը ИТАР-ТАСС-ին հայտնել է, որ դժբախտությունը տեղի է ունեցել ավելի քան 5000 մետր բարձրության վրա:

«Մայիսի 15-ին` 05:00-ին, Ալեքսեյ Բոլոտովը պարանով ցած է իջել: Ժայռի սուր ծայրին հարվելով` պարանը մաշվել է, եւ Բոլոտովն ընկել է 300 մետր խորությամբ անդունդը: Մահը վրա է հասել ակնթարթորեն: Ցավակցում ենք Ալեքսեյի հարազատներին ու մտերիմներին, բոլոր նրանց, ովքեր նրան ճանաչում էին: Ներեցեք...»,- ասվում է Ռուսաստանի լեռնագնացների դաշնության հաղորդագրության մեջ:

50-ամյա Ալեքսեյ Բոլոտովը Ռուսաստանի լավագույն լեռնագնացներից էր: