Ոչ պարենային արտադրանքի ու ծառայությունների վերահսկողությունը կիրականացվի ստուգաթերթի միջոցով

Կառավարության վաղվա նիստի օրակարգում ներառված է որոշում` տեսական զարգացման և ներդրումների նախարարության շուկայի վերահսկողության տեսչական մարմնի կողմից իրականացվող ոչ պարե­նա­յին արտադրանքների և ծառայությունների նկատմամբ պետական վերահսկողության իրականացման ստուգաթերթերը հաստատելու մասին:

Նախատեսվում է տնտեսական զարգացման և ներդրումների նախարարության շուկայի վերահսկողության տեսչական մարմնի ստուգումների իրականացում՝ ստուգաթերթերի միջոցով:

Ներկայումս, Հայաստանի Հանրապետությունում ստուգումներն իրականացվում են բացառապես միայն ստուգաթերթերով: Նախագծով նախատեսվում է Հայաստանի Հանրապետության կառավարության կողմից սահմանել Հայաստանի Հանրապետության տնտեսական զարգացման և ներդրումների նախարարության շուկայի վերահսկողության տեսչական մարմնի կողմից իրականացվող ոչ պարենային արտադրանքի նկատմամբ պետական վերահսկողության իրականացման ստուգաթերթերը:

Նախագծի ընդունմամբ` Տեսչական մարմինը կունենա բավարար հնարավորություններ՝ Հայաստանի Հանրապետությունում, ըստ գնահատված ռիսկի, վերահսկվող կազմակերպությունների նկատմամբ տարբերակված մոտեցում ցուցաբերելու և առավելապես բարձր ռիսկայնություն ունեցող կազմակերպություններում ստուգումների անցկացման համար: Արդյունքում՝ Տեսչական մարմնիների ուժն առավել նպատակամետ և արդյունավետ կօգտագործվի՝ օրենքով սահմանված լիազորությունների իրականացման առումով, հետևաբար իրատեսական նոր հիմքեր կստեղծվեն՝ տնտեսվարող սուբյեկտների կողմից ոլորտում օրենսդրության հնարավոր խախտումների բացահայտման և կանխարգելման համար:

Նախագծի ընդունումը թույլ կտա ՀՀ տնտեսական զարգացման և ներդրումների նախարարության շուկայի վերահսկողության տեսչական մարմնին ՀՀ օրենքով սահմանված կարգով իրականացնել ստուգումներ հաստատված ստուգաթերթերի միջոցով: