Վրաստանը հեպատիտ C-ով հայաստանյան հիվանդներին կնվիրաբերի 3000 տուփ «Սովալդի»

Այսօր կառավարության նիստում առողջապահության նախարար Լևոն Ալթունյանը ներկայացրել էր որոշման նախագիծ, ըստ որի` Վրաստանի աշխատանքի, առողջապահության և  սոցիալական հարցերի նախարարության  կողմից Հայաստանին կնվիրաբերվի «Սովալդի» (Sofosbuvir tablets of 400 mg N28) դեղը:

«Նախագծի նպատակն է սահմանել Վրաստանի աշխատանքի, առողջապահության և սոցիալական հարցերի նախարարության կողմից հեպատիտ C հիվանդությամբ տառապող անձանց բուժման համար նախատեսված «Սովալդի» (Sofosbuvir tablets of 400 mg N28) դեղը ՀՀ առողջապահության նախարարությանը նվիրաբերելու համար: Խոսքը 3000 տուփի մասին է, որը բավարար է 1000 հիվանդ բուժելու համար»,- ասաց նախարարը:

Վարչապետը խնդրեց նախարարին` իր շնորհակալությունը փոխանցել Վրաստանի գործընկերներին: