Կազմակերպվում են հեպատիտ Ց-ի, հեպատիտ Բ-ի և ՄԻԱՎ-ի, սիֆիլիսի անվճար, անանուն և արագ հետազոտություններ. ԱՆ

Հեպատիտի դեմ պայքարի օրվա շրջանակներում կազմակերպվում են հեպատիտ Ց-ի, հեպատիտ Բ-ի և ՄԻԱՎ-ի, սիֆիլիսի անվճար, անանուն և արագ հետազոտություններ, ինչպես նաև կտրամադրվի տեղեկատվություն հետազոտության կարևորության մասին, տեղեկացնում են ՀՀ առողջապահության նախարարությունից:

Միջոցառման ժամանակացույցը`
Հուլիսի 27, ք.Սպիտակ` ժամը 13:00-18:00-ը կենտրոնական հրապարակ, Դանիելյան սուպերմարկետի հարևանությամբ:
Հուլիսի 28, ք.Երևան` ժամը 14:00-20:00-ը Գարեգին Նժդեհի հրապարակ:

Նշենք, որ հանրային միջոցառումը կազմակերպվում է ՀՀ ԱՆ «Ինֆեկցիոն հիվանդությունների ազգային կենտրոն» ՓԲԸ-ի կողմից՝ ՄԱԿ-ի ՄԻԱՎ/ՁԻԱՀ-ի միացյալ ծրագրի աջակցությամբ Ռուսաստանի Դաշնության օգնության ծրագրի շրջանակում»: