Իգիթյանի կոշտ պատասխանն իրեն քննադատողներին

Այսօր Երևանի ավագանու ընտրություններում ՀՀԿ թեկնածու, գործող քաղաքապետ Տարոն Մարգարյանը շարունակեց իր քարոզարշավը Քանաքեռ-Զեյթուն վարչական շրջանում, որին մասնակցում էր Երևանի ավագանու անդամ Լևոն Իգիթյանը: Նա խորհուրդ տվեց իրեն քննադատողներին չանցնել գռեհկության սահմանև և չափավոր լինել «ֆեյսբուքներում»: Նշենք, որ Իգթիյանի ամեն ելույթը սուր քննադատության է արժանանում սոցիալական կայքերում:

«Էստեղ ժուռնալիստներ կան, ուզում եմ նրանց հիշեցնել եղբորս` Հենրիկ Իգիթյանի հայտնի ելույթը` Կրեմլում ուղղված Գորբաչովին:Ուզում եմ ասել, որ դա մենակ Գորբաչովին չի վերաբերում: Մտածեք դրա մասին»,- ասաց Լևոն Իգիթյանը:

Հիշեցնենք, որ Հենրիկ Իգիթյանը ելույթ ունենալով Կրեմլում Գորբաչովի ներկայությամբ նրան ուղերձ է հղել, նրան անվանելով դավաճան և  վերջում հայերենով ասելով. «Բոզին բոզություն է հասնում»: