Ղազախստանի ԱԳՆ-ի հայտարարությունը՝ Սիրիայում տիրող իրավիճակի վերաբերյալ

Սիրիայում հակամարտության սրումը կարող է սպառնալ Աստանայում և Ժնևում ձեռք բերված պայմանավորվածություններին: Այս մասին ասվում է Ղազախստանի ԱԳՆ-ի հայտարարությունում. հայտնում է РИА Новости-ն:

ԱԳՆ-ն նաև նշել է, որ սրումը հեռացնում է սիրիական հողում համապարփակ խաղաղության ձեռք բերման հեռանկարը:

ԱՄՆ-ը թևավոր հրթիռներով հարվածել է Սիրիայի արևմտյան Հոմս նահանգում գտնվող կառավարական ուժերի ռազմաբազային: ԱՄՆ նախագահ Դոնալդ Թրամփը հայտարարել է, որ դա բխում էր ԱՄՆ ազգային անվտանգության կենսական շահերից: Հարվածի թիրախը «Շայրաթ» ռազմաբազան էր, որտեղից, ամերիկյան իշխանությունների կարծիքով, իրականացվել են քիմիական հարձակումները: