Նարինջ են քամել. Էրդողանի կուսակիցների բողոքի «յուրահատուկ» ցույցը՝ ընդդեմ Հոլանդիայի

Նախորդ շաբաթ Հոլանդիաում նույնպես չեղարկվել էր Թուրքիայի արտաքին գործերի նախարար Մևլութ Չավուշօղլուի մասնակցությամբ  կայանալիք «Այո` սահմանադրական բարեփոխումներին» խորագրով հանրահավաքը: 

Ըստ Demokrathaber-ի՝ Էրդողանի «Արդարություն և զարգացում» կուսակցության երիտասարդական թևի անդամները Հոլանդիայի դեմ բողոքի «յուրահատուկ» ցույց են կազմակերպել:

«Ֆաշիստ Հոլանդիա» գրություններով պաստառներ պարզած ԱԶԿ-ականները նարինջ են քամել, ապա՝ ըմպել հյութը՝ ի նշան Հոլանդիայի դեմ բողոքի:

«Ստոր, անհանդուրժող և ֆաշիստական Հոլանդիան, որի մարդկային մակարդակը իջել է ծովի մակերեսից ցածր, ինչպես նրանց հողերի թիվը, խոչընդոտել է մեր նախարարի նախընտրական հանրահավաքի անցկացմանը, ինչպես նաև այս անբարո արարքի դեմ բողոքող թուրքերին… Մեզ համար նարնջի կեղևի չափ արժեք չունեցող Հոլանդիան չի վարանել անել մի քայլ, որի համար հետագայում զղջալու է: Զղջալու են»,- հայտարարել է կուսակցության երիտասարդական թևի նախագահ Էմրե Քահրամանը: