1 տոննա նարինջ` 7 միլիարդերորդ երեխային

Կալինինգրադում ծնված 7 միլիարդերորդ երեխայի` Պյոտրի մայրիկին Հարավային Աֆրիկայի դեսպանատան ու Ցիտրուսային ասոցիացիայի կողմից շնորհվել է վկայական, որով նա կստանա մեկ տոննա նարինջ:

ՌԻԱ «Նովոստի»-ն տեղեկացնում է, որ Հարավային Աֆրիկայի ֆերմերների նամակը, ծաղիկները եւ նարինջներով լի խորհրդանշական զամբյուղը փոքրիկի մայրիկին է հանձնել ասոցիացիայի ռուսաստանյան ներայացուցիչ Իրինա Մերկելը:

Երեխայի ծնողները կարող են 1 տոննա կշռով նարինջը ստանալ մաս-մաս:

Ի դեպ` Պետյա Նիկոլաեւը Ռուսաստանում ծնված «7 միլիարդերորդ»  երեք երեխաներից մեկն է, իսկ մեկ տոննա նարինջ ստացել են նաեւ  ռուսաստանաբնակ մյուս երկու փոքրիկները:

ՄԱԿ-ի բնակչության հիմնադրամը պաշտոնապես հոկտեմբերի 31-ն ընտրել էր օր, երբ մարդկության թիվը կհասնի  7 միլիարդը: 7 միլիարդերորդ մարդուն ընտրելու խորհրդանշական գործողություններ են տեղի ունեցել աշխարհի տարբեր երկրներում, այդ թվում` Հայաստանում: