ՆԱՍԱ-ն Եվրոպայում կյանք է փնտրելու

ԱՄՆ աերոտիեզերական ազգային գործակալությունը` ՆԱՍԱ-ն, սարք է ուղարկելու Յուպիտերի արբանյակ Եվրոպա` կյանք հայտնաբերելու նպատակով. ըստ РИА Новости-ի` գրում է SpaceNews պարբերականը: 

Առաքելությունը հնարավոր է իրականանա 2014-ին: Գիտնականները երեք նպատակ են դրել` Եվրոպայում նախկին և ներկայիս կյանքի հայտնաբերումը, արդյո՞ք Եվրոպան հարմար է կյանքի համար` անկախ առաջին հետազոտության արդյունքներից, հետագա առաքելությունների համար արբանյակի մակերևույթի բնութագրերի հայթայթումը:

«Եվրոպա արբանյակը ՆԱՍԱ-ի հին նպատակներից մեկի իրագործման բանալին է` պարզել` տիեզերքում մենա՞կ ենք, թե՞ ոչ»,- ասվում է գործակալության զեկույցում:

Առաքելությանը մարդու մասնակցություն մասին տեղեկություններ չեն հաղորդվում: