Սահակաշվիլիի կուսակցության անդամները փորձել են գրոհել Թբիլիսիի քաղաքապետարանը

Միխեիլ Սահակաշվիլիի «Միասնական ազգային շարժում» կուսակցության մի քանի տասնյակ անդամներ այսօր փակել են Թբիլիսիի քաղաքապետարանի մուտքը և փորձել շենք ներխուժե` պահանջելով հանդիպում քաղաքապետ Դավիթ Նարմանիայի հետ. հայտնում է РИА Новости-ն:

Շենքի պաշտպանությունն ուժեղացվել է: Ակցիայի մասնակիցները քաղաքապետարանին մեղադրում են կոռուպցիայի մեջ. պետական միջոցներից 1 մլն լարի` մոտ 300 հազար դոլար է տրվել «Ռուսթավի 2» ընդդիմադիր հեռուստաալիքի գործը քննող դատավորի ընտանիքին: Նրանք պահանջում են քաղաքապետի հրաժարականը:

Ներկա պահին ցույցը շարունակվում է, սակայն կուսակցականներն այլևս չեն փորձում ներխուժել քաղաքապետարան: