Թբիլիսիի քաղաքապետարանը հեռացրել է խորհրդարանի դիմաց տեղադրված բեմը

Թբիլիսիում` Վրաստանի խորհրդարանի շենքի դիմաց, Ռուսթավելիի պողոտայում առավոտյան մաքրման աշխատանքներ են իրականացրել քաղաքապետարանի «Թբիլսերվիսգրուպ» մաքրման ծառայության ներկայացուցիչները: Հեռացվել է նաև ցուցարարների բեմը և տեխնիկան, հայտնում է «Ալիք Մեդիան»:

Վերջինս կոչ արեց քաղաքապետարանին ժամանակին վերադարձնել բեմը և տեխնիկան խորհրդարանի շենքի տարածք, որտեղ 3 օր շարունակ բողոքի ցույցեր են ընթանում: Խոշտարիան նշեց, որ սադրանքներից չեն վախենում:

Ի դեպ այսօր, ցուցարները իշխանությանը վերջնաժամկետ էին ներկայացրել մինչև ժամը 14:00-ն: Նրանց գլխավոր պահանջը ՆԳ նախարար Գիորգի Գախարիայի հրաժարականն է: Պահանջները չբավարարվեցին, հետևաբար ցուցարարները կհավաքվեն նույն տեղում ժամը 19:00-ին: Այսօր տեղի կունենա թվով չորրորդ բողոքի ցույցը:

Նախօրեին ցուցարարները ակցիան եզրափակեցին երթով՝ խորհրդարանի շենքից շարժվեցին դեպի իշխող «Վրացական երազանք» կուսակցության գլխավոր մասնաշենք:

• ՆԳ նախարար Գիորգի Գախարիայի հրաժարականը
• Ազատ արձակվեն բոլոր այն մարդիկ, որոնք ձերբակալվել են հունիսի 20-ի բողոքի ակցիան ցրելիս
• Պատժվեն բոլոր այն իրավապահները, ովքեր հունիսի 20-ի ցույցը ցրելիս բռնություն են կիրառել
• 2020 թվականից ընտրություններն անցկացվեն համամասնական ընտրակարգով