Հղիության ժամանակ ծխելը ազդում է երեխայի լսողության վրա

Նիկոտինի ազդեցությունը սաղմի և դեռևս նոր ծնված երեխայի վրա մեծացնում է լսողության հետ խնդիրների, անգամ` խլության հավանականությունը. հայտարարում են գերմանացի գիտնականները, որոնց հոդվածը տպագրվել է  Journal of Physiology: London ամսագրում:

Մկների սաղմերի վրա հինգ տարի շարունակ փորձեր արած գիտնականները նիկոտինի` սաղմի և երեխայի առողջության վրա բազմաթիվ այլ բացասական ազդեցություններ են նկատել: Նիկոտինը և ծխախոտի այլ բաղադրիչներ փոխում են երեխայի ԴՆԹ-ի «փաթեթավորման» սպիտակուցային կառուցվածքը, երեխան ավելի հակված է լինում աուտիզմի, գիրացման, ասթմայի և այլ հիվանդությունների, բայց հատկապես տուժում է ականջը: Ընդ որում` վտանգավոր է ոչ միայն ծուխը, նաև` դրա հետքերը հագուստի, կահույքի և միջավայրի այլ իրերի վրա: