Հին ու նոր դեմքեր. ՀՀԿ-ն ներկայացրեց իր ռեյտինգային թեկնածուներին

«ՀՀԿ Գործադիր մարմնի նիստի ընթացքում քննարկվել է կուսակցության նախընտրական ծրագիրը, որը ամբողջական պատրաստ կլինի չորեքշաբթի կամ հինգշաբթի օրը», – ՀՀԿ ԳՄ նիստից հետո՝ լրագրողների հետ ճեպազրույցի ընթացքում նշեց ՀՀԿ խոսնակ Էդուարդ Շարմազանովը: 

Շարմազանովն ըդգծեց՝ ծրագրի հիմքում ընկած են  ժողովրդավարության զարգացումը, արդարադատության ոլորտում բարեփոխումները: ՀՀԿ խոսնակն ընդգծեց՝  ՀՀ-ն պիտի շարունակի դաշնակցությունը Եվրամիության, ՌԴ-ի, ՀԱՊԿ-ի հետ: Վերջինս շեշտեց՝  ծրագրի պատրաստ լինելուն պես այն ամբողջապես  կներկայացվի:

Լրագրողների հարցին՝ ինչպես է  ստացվել, որ, փաստորեն ՀՀԿ-ական թեկնածուներից որոշները իրար դեմ են դուրս եկել, որոշներն էլ, այսպես ասած, արտագաղթել են ՀՀԿ, որոշներն էլ ԲՀԿ-ից են եկել ՀՀԿ,  Շարմազանովը պատասխանեց, որ ամեն ոք ինքն է որոշում ինչպես ղեկավարել իր քաղաքական ճակատագիրը:

Անդրադառնալով 13 ընտրական տարածքներում ՀՀԿ-ի առաջադրած թեկնածուներին, Շարմազանովն ասէլ է․ «Թիվ 1 ընտրական տարածքում, որտեղ ընդգրկված են Նոր Նորքը, Ավանը, Քանաքեռ-Զեյթունը, կառաջադրվեն ԱԺ պատգամավոր Ռոբերտ Սարգսյանը, Միհրան Պողոսյանը, ԵԿՄ-ից Ղուկաս Ուլիխանյանը, ընդհանուր առմամբ 12 թեկնածու: Արաբկիր, Աջափնայկ, Դավիթաշեն շրջաններն ընդգրկող թիվ 2 ընտրական տարածքում ներառված են Արտակ Սարգսյանը, Արման Սահակյանը, Ալբերտ Երիցյանը, Արման Բաբլոյանը, Արթուր Գեւորգյանը եւ այլն: Մալաթիա-Սեբաստիա, Շենգավիթ շրջաններն ընդգրկող թիվ 3 ընտրական տարածքում առաջադրվել են Կորյուն Նահապետյանը, Արայիկ Հովհաննիսյանը, Սամվել Ալեքսանյանը եւ այլն: Երեւանի կենտրոնում Հակոբ Բեգլարյանը եւ այլք»:

ՀՀԿ խոսնակն ընդգցեց՝ ՀՀԿ-ն բոլոր հարցումներով ընտրությունների բացահայտ ֆավորիտն է: