Պարտադիր է պատգամավոր լինենք, նո՞ր քաղաքական ապագայի մասին մտածենք. Ռուբեն Հովսեփյանը չի առաջադրվի

ՀՀԿ խմբակցության պատգամավոր Ռուբեն Հովսեփյանն ասյօր խորհրդարանում լրագրողների հետ զրույցում հայտարարեց, որ չի մասնակցելու առաջիկա խորհրդարանական ընտրություններին: «Պարտադիր է պատգամավոր լինենք, նո՞ր քաղաքական ապագայի մասին մտածենք, ես չեմ առաջադրվելու»,- հայտնեց նա:

Թեև օրենսդրական գործունեությամբ այլևս չի զբաղվելու, շարունակելու է քաղաքական գործունեությունը և դուրս չի գալու ՀՀԿ-ի շարքերից: «Այդպիսի հարցեր ինձ մի' տվեք, ոչ մի տեղ էլ չեմ գնալու ՀՀԿ-ից, միայն Հանրապետական»,- ասաց պատգամավորը:

Yerkir.am-ի ճշտող հարցին` չառաջադրվելու որոշումն իրե՞նն է, թե՞ կուսակցությանը, Հովսեփյանն արձագանքեց. «Ես եմ որոշել, երևի»: