Հունական զորավարժություններն անհանգստացրել են Թուրքիային

Թուրքիայի արտաքին գործերի նախարարությունը միջազգային իրավունքի խախտում է  որակում  Հունաստանի  զինված ուժերի կողմից (ԶՈՒ)  Էգեյան ծովի  Կոս (թուրք. Իսթանքյոյ) կղզում հունական դեսանտի իջեցումը. տեղեկացնում է Ermenihaber-ը:

Ըստ թուրքական «Anadolu»  լրատվական գործակալության` այդ մասին հայտարարել է Թուրքիայի արտգործնախարարության խոսնակ Հուսեյին Մյուֆթուօղլուն: Նշվում է, որ մի քանի օր առաջ հունական մամուլում լուր էր հրապարակվել այն մասին, որ կղզում զորավարժություններ իրականացնելու նպատակով հունական զինուժը օդային դեսանտ է իջեցրել Կոս կղզում:

Թուրքիայի արտգործնախարարության խոսնակը Հունաստանին կոչ է արել խուսափել  միջազգային իրավունքի խախտումից, որը պարունակում է իրավիճակը թեժացնելու միտում:

Նշենք, որ Էգեյան ծովում գտնվող Կոս կղզին պաշտոնապես պատկանում է Հունաստանին: