Կկանոնակարգվեն հուշարձանների պահպանության բնագավառին վերաբերող գույքային հարաբերությունները

Այսօր կառավարության նիստում մշակույթի նախարար Արմեն Ամիրյանը ներկայացրեց պատմության և մշակույթի անշարժ հուշարձանների կադաստրային տվյալների ձեռք բերման, կադաստրի կազմման, ներդրման, վարման և միջոցառումների իրականացման ծրագրին հավանություն տալու մասին հարցը: Այն պայմանավորված է պատմության և մշակույթի անշարժ հուշարձանների կադաստրային տվյալների ձեռք բերման, համակարգման, կադաստրային գրանցամատյանի ստեղծման և վարման, դրանց տրամադրման մատչելիությունն ապահովելու, ինչպես նաև հուշարձանների կադաստրի՝ Հայաստանի Հանրապետության կադաստրային միասնական համակարգ ներմուծման և ընդհանրական տեղեկատվության ապահովման անհրաժեշտությամբ:

Նախագծով` էապես կկանոնակարգվեն հուշարձանների պահպանության բնագավառին վերաբերող գույքային հարաբերությունները, նվազագույնի կհասցվեն թույլ տրվող իրավախախտումները, հնարավորություն կընձեռվի նոր մեթոդաբանությամբ իրականացնել հուշարձանների կադաստրային գնահատումը, կապահովվի հուշարձաններին վերաբերող տվյալների տրամադրման մատչելիությունը: