Ոստիկանությունը մանրամասներ է ներկայացրել Երեւանի կենտրոնում տեղի ունեցած սպանությունից

Ոստիկանությւոնը տեսանյութ է հրապարակել, որտեղ մանրամասն ներկայացրել է Երեւանի Թումանյան փողոցի 37-րդ շենքի 8-րդ բնակարանի մոտ մահացած հայտնաբերված 57-ամյա Արմեն Սուրմելենյանի սպանությունից: Ահազանգով դեպքի վայր ժամանած իրավապահները դիակի վրա բռնության հետքեր են հայտնաբերել: Դեպքի վայրի զննությամբ, պատշգամբում դրված ծաղկամանի մոտ հայտնաբերվել է դանակ՝ արնանման հետքերով:

Պարզվել է, որ այդ օրը երեկոյան երկու ընկեր դանակի շուրջ ալկոհոլ են օգտագործել, Հայկ Սուքիասյանի տուն այլ մարդիկ էլ են այցելել, Արմեն Սուրմելենյանն էլ սրտնեղել է ադ պատճառով եւ տանտիրոջ հետ վիճաբանության մեջ մտել: Այնուհետեւ հեռացել է տնից, բայց քիչ անց կրկին վերադարձել, դուռը թակել է, բայց Հայկ Սուքիասյանը չի բացել: Ի վերջո նա բացել է դուռը եւ վիճաբանությունը շարունակել են տան մուտքի մոտ, որի ժամանակ տանտերը դանակով 1-2 հարված է հասցրել Սուրմելենյանին: Նա մահացել է:

Հայկ Սուքիասյանը կալանավորված է: