Սահմանամերձ գյուղերին աջակցելու համար պետք է նոր փիլիսոփայություն

Այսօր կառավարության նիստում ՀՀ ՏԿԶ նախարար Դավիթ Լոքյանը ներկայացրեց որոշում, որն, ըստ էության, լրացնում է կառավարության կողմից ավելի վաղ ընդունված որոշումը, որը վերաբերում է սահմանամերձ համայնքներին տրվող սոցիալական աջակցության փոխհատուցման ենթակա ծավալների, փոխհատուցման կարգի և փոխհատուցում ստացող սահմանամերձ համայնքների բնակավայրերի ցանկին: Մասնավորապես` այդ ցանկի մեջ է մտնում Տավուշի շրջանի Ազատամուտ համայնքը:

Հարցի հետ կապված` վարչապետ Կարեն Կարապետյանը հանձնարարական տվեց կառավարության աշխատակազմին: «Գուցե միջգերատեսչական հանձնաժողով ստեղծենք և կոորդինացիոն խորհուրդ, որ բոլոր մեր սահմանամերձ գյուղերի տնտեսական և այլ բնույթի գործառույթների ու հարցերի հետ կապված ձևավորենք մի փիլիսոփայություն ու, ըստ դրա, շարժվենք առաջ: Ո՞նց եք կարծում: Պետք է «գույքագրում» կատարենք, հասկանանք` ինչ հարցերի ենք ուզում լուծում տալ, նոր միայն հստակ ծրագիր մշակենք»,- ասաց Կարեն Կարապետյանը:

Որոշումն ընդունվեց: