Արցախցիների փոխարեն մենք չենք որոշելու. Սերժ Սարգսյանը՝ հակամարտության լուծման մասին

Լեռնային Ղարաբաղի հակամարտության լուծումը Արցախի վերջնական կարգավիճակը որոշելն է: Այն պետք է ԼՂՀ-ի ժողովուրդը որոշի:

Այս մասին ապրիլյան պատերազմի մասնակից եւ արդեն զորացրված զինծառայողների հետ հանդիպման ժամանակ հայտարարել է նախագահ Սերժ Սարգսյանը: Նշենք, որ հանդիպման տեսաձայնագրությունն այս պահին հեռարձակվում է Հանրային հեռուստաընկերությունով:

Սերժ Սարգսյանն ընդգծել է, որ որեւէ մեկը իրավունք չունի Արցախի ժողովրդին որեւէ բան պարտադրել: «Մենք չենք որոշելու իրենց փոխարեն, բայց մենք պետք է սատարենք, որ նրանց կամքը կատարվի»,-հայտարարել է Սերժ Սարգսյանը եւ վստահեցրել է, որ գալու է ժամանակը, երբ Ղարաբաղի հարցը լուծվելու է հենց այդ ճանապարհով: