Ֆրանսիայում ազատ է արձակվել Կոսովոյի նախկին վարչապետը

Ֆրանսիայի Վերաքննիչ դատարանը բավարարել է Կոսովոյի նախկին վարչապետ Ռամուշ Խարադինային ազատ արձակելու միջնորդությունը, որին հունվարի 4-ին էին ձերբակալել Սերբիայի պահանջով, որը նրան մեղադրում է ռազմական հանցագործությունների մեջ, փոխանցում է BBC–ն։

Դատավճռում ասվում է, որ Խարադինայը պետք է Ֆրանսիայում մնա մինչեւ նրա արտահանձնման մասին Սերբիայի իշխանությունների հարցման քննումը։

2015-ին Խարադինային սլովենական ոստիկանությունը ձերբակալել էր սերբական օրդերի հիման վրա։ Սակայն այն ժամանակ նրան շուտ ազատ էին արձակել, որոշելով չարտահանձնել Սերբիային։

1998-1999 թթ զինված հակամարտության տարինեին Խարադինայը եղել է Կոսովոյի խռովարարների հրամանատարը։ Բելգրադը նրան պատասխանատու է համարում էթնիկ սերբերի ցեղասպանության համար։

Խարադինայը ժխտում է իր մասնակցությունը էթնիկ զտումներին։ 2005-ին նա ինքնակամ հրաժարական է տվել Կոսովոյի վարչապետի պաշտոնից, որպեսզի մասնակցի Հաագայի դատարանում իր գործի քննմանը։

Նա Կոսովոյի ամենաբարձրաստիճան ալբանացին է, որը Նախկին Հարավսլավիայի գործով միջազգային տրիբունալի առաջ է կանգնել։

2008-ին Խարադինային արդարացրել էին ապացույցների բացակայության պատճառով։