Վարչապետը Արման Սահակյանին հանձնարարականներ տվեց

Կառավարության նիստի օրակարգին անցնելուց առաջ Կարեն Կարապետյանը մի շարք հանձնարարականներ տվեց, որոնցից մեկը վերաբերում էր պետական գույքի կառավարմանը:

Մասնավորապես` հանձնարարեց պետական գույքի կառավարման վարչության պետ Արման Սահակյանին` մի քանի նախարարությունների հետ քննարկման արդյունքում  կառավարությանը երկասմյա ժամկետում ներկայացնել առաջարկություններ` պետական մասնակցությամբ առևտրային կազմակերպությունների կառավարման բնագավառում կոնկրետ միջոցառումներ և մեխանիզմներ կիրառելու վերաբերյալ 2017թ. կտրվածքով բյուջե մուտքագրվող շահաբաժինների ծավալի ավելացում:

Նաև` եռամսյա ժամկետում ներկայացնել առաջարկություններ պետական  գույքի վարձակալության գործընթացի արդյունավետության վերաբերյալ` նպատակ ունենալով վարձակալությունից պետբյուջեի մուտքերի էական ավելացում ունենալ և բարելավել մատուցվող ծառայությունների որակը:

Հանձնարավեց նաև ներկայացնել պետական գույքի մասնավորեցման ծրագրում ընդգրկված և ընդգրկվելիք առևտրային կազմակերպությունների բաժնետոմսերի, բաժնեմասերի մասնավորեցման, ինչպես նաև պետական գույքի օտարման ցանկերը, կանխատեսումներ մասնավորեցման ծրագրում ընդգրկված և ընդգրկվելիք բաժնեմասերի մասնավորեցումից, ինչպես նաև պետական գույքի օտարումից 2017-ին սպասվելիք արժեքային գնահատականների վերաբերյալ: