Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Yerkir.am-ի հումորային հարցերին պատասխանում է ԱԺ ՀՀԿ խմբակցության պատգամավոր Գագիկ Մելիքյանը:
-Եթե վաղ առավոտյան բոլորը խայտառակ եղածի պես ամաչում են, ուրեմն Նոր տարին ստացվե՞լ է:
- Չեմ կարծում, որ այդ դեպքում կարելի է համարել, որ ստացվել է, որովհետև բոլորը հնարավոր չէ` նույն վիճակում լինեն: Մոտ վիճակում կլինեն, բայց ոչ` նույն վիճակում: Այն մարդկանց մոտ, ովքեր քիչ են խմել, երևի թե չի ստացվել Նոր տարին:
- Ձմեռ պապն ինչո՞ւ է նախընտրում եղնիկներով երթևեկել, այլ ոչ թե` «Բենթլի»-ով:
- Կարծում եմ, որ այսօր «Բենթլի» ունեցողներից շատերի համար երջանկություն կլիներ եղնիկներով երթևեկելը:
- Ձմեռ պապից մանդա՞տ եք խնդրել, թե՞ տնտեսական աճ:
- Ձմեռ պապիկից խնդրել եմ խաղաղություն, իսկ այն, ինչ մենք կարող ենք անել` ապահովել և’ տնտեսական աճ, և’ մանդատ, մենք կանենք: Խաղաղությունը որ լինի, մնացածը մենք կանենք, մենք ի վիճակի ենք անել: Ե’վ երջանկություն, և’ տնտեսական աճ, և’ ամեն ինչ:
- Ամանորի գիշերը երազանք պահեցի՞ք, որ ինչ-որ ընդդիմադիր գործիչ այլևս խորհրդարանում չհայտնվի 2017-ի ընտրություններից հետո:
- Ձմեռ պապիկից խնդրեցի, որ եկող խորհրդարանն ունենա շատ ուժեղ ընդդիմություն, որը նաև կերաշխավորի հզոր իշխանություն:
- Վարչապետի հանձնարարականը` ով ինչ ուզի, այսուհետ կարող է ազատ ներկրել, տարածվե՞ց Ձմեռ պապի բերած նվերների վրա:
- Ձմեռ պապիկը երբևէ մաքսանենգությամբ չի զբաղվում, մաքսատուրքերը նրա վրա չեն տարածվում, ավելացված արժեքի հարկով չի հարկվում, շահութահարկ էլ չի վճարում: Նա միայն բարեգործություն է իրականացնում: Բոլորն ազատված են հարկային բոլոր ձևաչափերից:
-Ո՞ր կենդանու հետ կասոցացնեք Նոր տարին:
- Այծի հետ եմ ասոցացնում, որովհետև ես այծեղջյուր եմ:
-Քանի՞ բաժակ խմելուց հետո եք մոռանում` ով եք, ում եք հյուր գնացել :
- Չի եղել, որ մոռանամ, այդպիսի բան չի եղել: Համենայն դեպս, երբևէ չեմ մոռացել:
-Երազանքների Ձյունանուշը, ում կողքին Ձմեռ պապ կլինեիք:
- Իսկ կարելի՞ է Ձյունանուշին անընդհատ փոխել: Ամենանախընտրելի տարբերակը Ձյունանուշներին փոխելն է: Ճիշտ չէ մեկը:
-Ամենամեծ դասը, որ քաղեցիք 2016-ին:
- Պետք է միշտ լինել միասնական, դա է մեր հզորություն գաղտնիքը: 2016-ին դա ևս մեկ անգամ օրակարգային դարձավ:
-Տոներից հետո կշռվո՞ւմ եք:
-Ես այդ խնդիրը չեմ ունենում, որովհետև ուտելիքների չարաշահման խնդիր չեմ ունենում: Կշեռք էլ չկա, որ կշռվեմ: