ԵՏՄ Մաքսային օրենսգրքին այլընտրանք չկա. Պեսկով

ՌԴ նախագահի մամուլի քարտուղար Դմիտրի Պեսկովը հայտարարել է, որ ԵՏՄ Մաքսային օրենսգիրքը կենսունակ է. հայտնում է РИА Новости-ն:

«Ղրղզստանի հետ կապված աշխատանքը կշարունակվի: Իսկապես, Ղրղզստանի կողմից արվել են որոշակի դիտողություններ: Հիմնականում դա կապված է ֆիտոսանիտարական վերահսկողության ոլորտի հետ: Դա նորմալ աշխատանքային իրավիճակ է: Օրենսգիրքը կենսունակ է: Այդ օրենսգրքին այլընտրանք չկա: Որևէ կասկած չկա, որ վաղ, թե ուշ, հետագա ինտեգրացիոն գործընթացների շահերից ելնելով, այն ուժի մեջ կմտնի»,- ասել է Պեսկովը:

Նա հավելել է, որ Մաքսային օրենսգրքի վրա աշխատանքը կշարունակվի ԵԱՏՄ պետությունների կառավարությունների ղեկավարների մակարդակով: Պեսկովն ընդգծել է, որ Բելառուսը կմիանա օրենսգրքին, քանի որ արդեն համաձայնեցրել է դրա դրույթները: