Ամեն ինչ անելու եմ, որ ընտրողները տեսնեն` Դաշնակցությունը չի նահանջում. Արծվիկ Մինասյան

Որպես Դաշնակցության ներկայացուցիչ, ով ներկայումս կառավարության անդամ է, բնականաբար, պետք է ակտիվորեն մասնակցի նախընտրական պրոցեսին և առաջ տանի Դաշնակցության մոտեցումներն ու գաղափարները: Այս մասին Արծվիկ Մինասյանը ասաց` պատասխանելով լրագրողների հարցին, թե իր արդյունավետ աշխատանքը կարո՞ղ է նպաստել Դաշնակցության քվեների ավելացմանը:

«Ինձ համար առաջնային երեք փաստաթուղթ կա` խմբագրված Սահմանադրություն, նախագահի` փետրվարի 12-ի ելույթ և ՀՅԴ-ՀՀԿ քաղաքական համաձայնագիր: Այս երեք փաստաթղթերով հանդերձ` կա հստակ տեսլական` տեսնել Հայաստանն ավելի բարեկեցիկ, շրջակա միջավայրի տեսակետից` ավելի բարելավված և կայուն զարգացում երաշխավորող համակարգերով: Ես ամեն ինչ անելու եմ, որ մեր ընտրողները տեսնեն, որ այն, ինչ հայտարարվում է Դաշնակցության կողմից, նահանջ չկա»,- ասաց Արծվիկ Մինասյանը: