ԱԱԾ նախկին պաշտոնյայի եղբորը մահացած է գտել հարազատներից մեկը. մանրամասներ

Yerkir.am-ի տեղեկություններով՝ ԱԱԾ տնօրենի նախկին տեղակալ Ռոմիկ Հարությունյանի եղբորը՝ 56-ամյա Ռոբերտ Հարությունյանին հյուրանոցում հայտնաբերել է նրա հարազատներից մեկը:

Մեր տեղեկություններով, մինչ դեպքը նա ալկոհոլ է օգտագործել, իսկ հյուրանոցի սենյակում գտնվելու ընթացքում չի պատասխանել հետախոսազանգերին, ինչն էլ անհանգստացրել է հարազատներին:

Yerkir.am-ին ՀՀ քննչական կոմիտեից հայտնեցին, որ նախնական տվյալները վկայում են, որ տեղի է ունեցել ինքնասպանություն։ Վարույթն իրականացնող մարմինը պարզել է, թե երբ է Ռոբերտ Հարությունյանը գնացել հյուրանոց, ինչ հանգամանքներում, առգրավվել են տեսանկարահանող սարքերի տեսագրությունները, զննության ենթարկվել։ Դեպքի կապակցությամբ նշանակվել են դիակի դատաբժշկական, դատաքիմիական և դատաձգաբանական փորձաքննություններ, որոնց եզրակացությունները դեռ չեն ստացվել։

Ավելի վաղ հայտնել ենք, որ 2016 թվականի դեկտեմբերի 14-ին՝ ժամը 00:20-ին, ահազանգ է ստացվել առ այն, որ «Նկարիչների Միության» շենքի՝ Երևան քաղաքի Աբովյան փողոցում գտնվող հյուրանոցում մահացել է 56-ամյա Ռոբերտ Հարությունյանը: Զննությամբ վերջինիս աջ ձեռքում հայտնաբերվել է «ԳԼՕՔ 19, ՄԱՅ 289» տեսակի ատրճանակ, իսկ հատակին՝ մեկ պարկուճ և գնդակ: