Ավտովթարից մահացած 18-ամյա աղջկա եղբորը կտեղափոխեն հիվանդասենյակ

Տեղեկացրել էինք, որ երեկ ողբերգական ավտովթար էր տեղի ունեցել Հրազդան-Երևան ավտոճանապարհին: Իրար էին բախվել Opel մակնիշի և Mercedes Benz Sprinter մակնիշի ավտոմեքենաները: Mercedes-ը ուսանողների էր տեղափոխելիս եղել Երևան: Վթարի հետևանքով մահացել էր 18-ամյա Հռիփսիմե Գասպարյանը: Հռիփսիմեն Գեղարքունիքի մարզի Վարսեր գյուղից էր: Նրա հետ է եղել նաև եղբայրը, որին տեղափոխել են «Հերացի» թիվ 1 հիվանդանոցային համալիր:

Yerkir.am-ին հիվանդանոցից տեղեկացրին, որ 20-ամյա Հրանտ Գասպարյանը գտնվում է վերակենդանացման բաժանմունքում, սակայն այսօր կտեղափոխվի հիվանդասենյակ: Տղայի առողջական վիճակը բժիշկները գնահատում են կայուն բավարար: