Կազմակերպվել է «Գենդերային հավասարությունը և տեղական ինքնակառավարման մարմինները» թեմայով դասընթաց

ՄԱԿ-ի Զարգացման ծրագիրը Տարածքային կառավարման և զարգացման նախարարության հետ համատեղ` «Կանայք տեղական ժողովրդավարական գործընթացներում» ծրագրի շրջանակներում դեկտեմբերի 6-ին և 8-ին Գորիս և Վայք բազմաբնակավայր համայնքների թվով 30 ՏԻՄ աշխատակազմերի, վարչական ներկայացուցիչների և ավագանու անդամների համար կազմակերպել էր «Գենդերային հավասարությունը և տեղական ինքնակառավարման մարմինները» դասընթաց:

Դասընթացի նպատակն էր՝ բազմաբնակավայր համայնքի տեղական ինքնակառավարման մարմինների ներկայացուցիչների հետ քննարկել գենդերային հավասարության գաղափարը, կանանց և տղամարդկանց կարիքներն ու տեսակետները  հավասարապես հաշվի առնելու կարևորությունը համայնքային պլանավորման և որոշումների կայացման գործընթացներում։

Քննարկումները, մասնավորապես, տեղի են ունեցել «Գենդերային հավասարությունը  որպես սոցիոլոգիական հասկացություն», «Համայնքային զարգացման գենդերային ասպեկտները»,  «Հնգամյա զարգացման ծրագրի գենդերային վերլուծությունը» ու «ՏԻՄ-ի գործառույթները և գենդերային զգայուն ռազմավարությունը» թեմաների շուրջ։

Դասընթացի մասնակիցները ծանոթացան թեմաների շուրջ տեսական մոտեցումներին, ինչպես նաև կիրառեցին իրենց հմտությունները գործնական վարժություններում։ Դասընթացն իրականացվել է Հայաստանում Շվեյցարիայի զարգացման և համագործակցության գրասենյակի ֆինանսավորմամբ։

 ՏԿԶՆ