Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Այսօր լրագրողները ՀԱԿ խմբակցության ղեկավար Լևոն Զուրաբյանից հետաքրքրվեցին, թե ինչպես կմեկնաբանի ՀՀԿ համագումարում Սերժ Սարգսյանի այն հայտարարությունը, որ առաջիկա խորհրդարանական ընտրություններում ՀՀԿ–ի հաղթանակի դեպքում Կարեն Կարապետյանը կշարունակի գլխավորել կառավարությունը:
Ըստ Լևոն Զուրաբյանի` շատ պարզ հնարք է կատարվում. Սերժ Սարգսյանը «Ալ-Ջազիրա» լրատվամիջոցին տված հարցազրույցում ասել էր, որ իր` վարչապետ լինել-չլինելու հարցը կախված է ընտրություններում ՀՀԿ-ի գրանցած արդյունքներից: «Նա նկատի չուներ, որ ապրիլին խորհրդարանական ընտրություններից հետո կդառնա վարչապետ, նա նկատի ուներ, որ 2018-ին է դառնալու վարչապետ: Ստացվում է, որ Կարեն Կարապետյանի ֆիգուրն օգտագործվելու է` որպես հաջող փիար, որով կարող են շահել խորհրդարանական ընտրությունները, որից հետո, համաձայն Սերժ Սարգսյանի ասածի, ինքը կդառնա վարչապետ 2018-ին»,- ասաց նա:
Զուրաբյանը նաև խայտառակություն համարեց մարդկանց մասսայաբար ՀՀԿ-ականացնելը: