Բարև եմ հղում քուրդ զինյալներին թիկունք կանգնող եվրոպացի մեր ընկերներին. Յըլդըրըմի անհեթեթ հայտարարությունը

Թուրքիայի վարչապետ Բինալի Յըլդըրըմը ելույթ է ունեցել իշխող «Արդարություն և զարգացում» կուսակցության ժողովում՝ հերթական անգամ անդրադառնալով քուրդ զինյալների նկատմամբ եվրոպական երկրների դիրքորոշմանը:

Ըստ իշխանամետ «Անադոլու» գործակալության՝ Յըլդըրըմը եվրոպական երկրներին կոչ է արել չխառնվել Թուրքիայի օրինական հարցերին և Քուրդիստանի բանվորական կուսակցության անդամների դեմն առնել:

Նա իր ելույթն սկսել է` «ՔԲԿ-ին թիկունք կանգնող  եվրոպացի ընկերներին բարև հղելով», ապա, կտրուկ անցում կատարել նրանց քննադատելուն: «Դադարեցրեք խառնվել Թուրքիայի օրինական հարցերին և մի բան ասեք ձեր երիտասարդությանն ու ապագան թունավորող ՔԲԿ թմրավաճառներին: Այս հողերում մեր մղած պայքարը միայն մեր ժողովրդի հանգստության և անվտանգության համար չէ, այն միաժամանակ ձեր ապագայի համար մղված պայքար է»,- հայտարարել է Թուրքիայի վարչապետը: