Արագածոտնի մարզում տեղադրվում են նոր հակակարկտային կայաններ

Արագածոտնի մարզում շարունակվում են նոր հակակարկտային կայանքների տեղադրման աշխատանքները: Դրանց անհրաժեշտությունը զգացվեց առանձնապես այս տարվա ամռանը` հուլիսի 3-ին, հուլիսի 10-ին եւ օգոստոսի 3-ին  տեղի ունեցած աննախադեպ կարկտահարությունից հետո:

Ի թիվս տուժած տնտեսություններին ցուցաբերվող այլ աջակցության, մարզպետ Գաբրիել Գյոզալյանի նախաձեռնությամբ, հետամուտ են  համայնքներում նոր հակակարկտային կայանքների տեղադրման գործընթացին: Պետական բյուջեի ֆինանսավորմամբ` մարզին հատկացվել է 7 նոր հակակարկտային կայանք: Դրանցից 4-ը տեղադրվել է Կարբի եւ Օհանավան համայնքներում: Առաջիկայում կայաններից 1-ը կտեղադրվի Սասունիկում, 2-ը` Աշտարակ քաղաքում:

Այսպիսով` մարզում հակակարկտային կայանների թիվը կդառնա 69-ը:

ՀՀ Արագածոտնի մարզպետարանի տեղեկատվության եւ հասարակայնության հետ կապերի բաժին