Հունաստանը զգուշացնում է Թուրքիային

Հունաստանի վարչապետ Ալեքսիս Ցիպրասը նշել է, որ պատժամիջոցներ կկիրառվեն Թուրքիայի նկատմամբ, եթե այն շարունակի Միջերկրական ծովի արևելյան շրջանում գազի որոնման աշխատանքները. հաղորդում է Euronews-ի թուրքական ծառայությունը:

Հունական «Ալֆա» լրատվական գործակալությանը տված հարցազրույցում Ցիպրասը նշել է. «Եթե այս ռազմավարությունը շարունակվի, հնարավոր է լինեն ֆինանսական միջոցառումներ և պատժամիջոցներ: Այս գործողությունները շարունակելու փոխարեն Թուրքիան պետք է հարգանք ցուցաբերի միջազգային իրավունքի և համաձայնագրերի նկատմամբ, նստի երկխոսության սեղանի շուրջը»:

ԵՄ դիվանագիտության ղեկավար Ֆեդերիկա Մոգերինին, իր հերթին, կոչ է արել Թուրքիային` հարգանք ցուցաբերել Կիպրոսի ինքնիշխան իրավունքների նկատմամբ: