Ծաղկե գորգը` Բրյուսելի հրապարակում. Լուսանկարներ

Բելգիայում` ծաղկող  բեգոնիաների երկրում, որպեսզի ցույց տան այդ սքանչելի  ծաղիկները ողջ աշխարհին, 1971 թվականից  մայրաքաղաք Բրյուսելում  հսկայական  ծաղկե գորգ են  «փռում»  Grand Place հրապարակում` մի քանի հարյուր քառակուսի մետր մակերեսով:

Ավանդական ծաղկե փառատոնը տեւում է 4 օր:  Ծաղկե գորգի ստեղծման վրա ծախսվում է  2 տարի:  Մտածված պատկերը ծաղիկներով պատկերելու  համար ընդամնեը  4 ժամ է ծախսվում. հարյուրավոր փորձառու այգեգործներ  եւ կամավորներ են աշխատում դրա համար:  Ամեն  անգամ ստեղծվում  է հստակ թեմատիկ ուղղվածություն  ունեցող գորգ:

 Այս տարի 60 հազար բեգոնիաները 1800 քմ տարածքի վրա  պատկերեցին Բելգիայի եւ Ճապոնիայի  150-ամյա բարեկամությունը: Ոճաբանները պատկերել էին տարվա 4 եղանակները` բելգիական եւ ճապոնական ոճերի միահյուսմամբ:

Flower Carpet  փառատոնը մեկնարկեց օգոստոսի 12-ին` Ջակոմո Պուչինիի «Տիկին Բաթերֆլայ» օպերայի հնչյունների ներքո եւ ավարտվեց գունեղ հրավառությամբ: