Տեղի ունեցավ «Վիվառոյի» պոկերի ավանդական միջմարզային գավաթի խաղարկությունը

Հավատարիմ մնալով իր ավանդույթներին՝ «Վիվառոն» այս տարի ևս  անցկացրեց պոկերի Հայաստանի միջմարզային գավաթի խաղարկությունը: Այս տարի տեղի է ունենալու նաև բլոտի և նարդու մրցաշարերը: Յուրաքանչյուր խաղային ձևի համար սահմանված է 3 000 000 դրամ մրցանակային հիմնադրամ:  Պոկերի միջմարզային գավաթի համար եզրափակչում պայքարում էին   Հայաստանի տարբեր մարզերը ներկայացնող 6 թիմեր: Yerkir.am-ի հետ զրույցում VivaroPoker-ի տնօրեն Հայկ Սարգսյանը  խոսեց մրցաշարի մասին:

 «Միջմարզային գավաթի  խաղարկության առաջին խաղերը սկսվել են մոտ մեկ տարի առաջ` օնլայն տարբերակով:   Ամեն շաբաթ կիրակի օրը Հայաստանի բոլոր մարզերից մասնակցել են թիմեր: Շուրջ 100 թիմերից եզրափակիչ են դուրս եկել 6-ը: Ամեն թիմում եղել են 3 մասնակիցներ:   Արգելվում Է մի թիմում լինել տարբեր մարզերի ներկայացուցիչներ:  Ամենաշատ միավոր հավաքած 6 թիմերն անցել են եզրափակիչ փուլ:  Երեկ տեղի ունեցավ եզրափակիչը:  Բոլոր 6 թիմերն էլ արդեն ունեն մրցանակային շահումներ:  Առաջին տեղը զբաղեցրած թիմը ստանալու է 1 միլիոն 200 հազար դրամ, իսկ 6-րդ տեղը զբաղեցրած թիմը` 120.000  դրամ:     Թիմերի անդամների  մեջ գումարը բաշխվելու է ըստ անհատական միավորների:  1-ին տեղը զբաղեցրած մասնակիցը ստանում է 18 միավոր, իսկ 18-րդ տեղը զբաղեցրածը` 1 միավոր: Միավորների հանրագումարով ամենաշատ միավոր ունեցող թիմը դառնում է մրցաշարի հաղթող:  Եթե թիմը զբաղեցրել է առաջին տեղը, բայց թիմի անդամներից մեկը դուրս է մնացել 16-րդ տեղով, նա ստանալու է գումարի 20 տոկոսը:  Այս տարի լինելու է  նաև նարդու և բլոտի մրցաշար»,-ասաց Սարգսյանը: