Տղերք, մոլորության մեջ եք...

Գևորգ Դարբինյանը իր ֆեյսբուքյան էջում գրել է. «Փաստորեն, պետական գույքը ոչնչացնելը, մսխելը, յուրացնելը իշխանության մենաշնորհը չէ: Ավտոմեքենաներն այրելու փաստին այսքան հանգիստ, նորմալ ու օրինաչափ վերաբերվելով հասարակության առնվազն մի մասը լեգիտիմացնում է այն, ինչի մեջ միչև հիմա մեղադրում էր իշխանությանը:

Տղերք, մոլորության մեջ եք, եթե կարծում եք, որ դուք դրանով վնասում եք իշխանությանը: Դուք մազաչափ անգամ նրանց չեք վնասում: Այն ինչ ունեն, ու ձեռք են բերել, նրանք սրբության նման պահում են և կկտրեին ցանկացածի կոկորդը, ով կհամարձակվեր դրա նկատմամբ ոտնձգություն կատարել: Ձեր այրածը նրանց սեփականությունը չէ, այլ պետության:

Այդ ավտոմեքենաների հետ դուք այրում եք, մոխրացնում եք պետական մտածողությունը և հավատը, որ բերելու եք այդ մտածողության վրա հիմնված այլընտրանքը»: