Իրանը մոլորության մեջ է գցում աշխարհին՝ միջուկային զենք ստեղծելու համար. Նեթանյահու

Իրանը մոլորության մեջ է գցում միջազգային հանրությանը, որպեսզի ի վիճակի լինի ստեղծել միջուկային զենք. նման կարծիք է արտահայտել Իսրայելի վարչապետ Բինյամին Նեթանյահուն կառավարության նիստի ժամանակ, գրում է ՏԱՍՍ-ը:

Նա, մասնավորապես, նշել է. «Իրանը շարունակում է խաբել միջազգային հանրությանը, որպեսզի իր տնօրինության ներքո ստանա միջուկային զենքը: Այսօր անգամ ՄԱԳԱՏԷ-ն՝ Ատոմային էներգիայի միջազգային գործակալությունը, գիտակցում է դա», ու հավելել. «Այդ կազմակերպությունն այժմ հասկանում է այն, ինչը մենք (իսրայելցիները) պնդել ենք տարիներ շարունակ»։

Հիշեցնենք՝ հունիսի 19-ին ՄԱԳԱՏԷ-ի Կառավարման խորհուրդն ընդունել էր «եվրոպական եռյակի» (Մեծ Բրիտանիա, Գերմանիա, Ֆրանսիա) բանաձևի նախագիծը, ըստ որի՝ պահանջվում է Իրանից ապահովել երկու օբյեկտներ մուտք գործելու հասանելիությունը, որտեղ գործակալությունը կասկածում է, որ պահվում է չհայտարարարագրված միջուկային նյութ: Խորհրդի 35 պետություններից 25 անդամները աջակցել են բանաձևին, Ռուսաստանն ու Չինաստանը դեմ են քվեարկել, համապատասխանաբար յոթ երկրներ՝ ձեռնպահ: