«Լավագույն մարզական ընտանիք» մրցույթի անցկացման նպատակով մարզպետարաններին գումար կհատկացվի

Այսօր կառավարության նիստում տարածքային կառավարման և զարգացման նախարար Դավիթ Լոքյանը ներկայացրեց որոշում` «Լավագույն մարզական ընտանիք» մրցույթի անցկացման նպատակով մարզպետարաններին 2016 թվականի 9 ամսում հատ­կացնել 1,2 միլիոն դրամ կառավարության պահուu­տային ֆոնդից: Այդ գումարն անհրաժեշտ է մարզիկներին համապատասխան հագուստով ապահովելու և միջոցառումներին մասնակցելու համար:

Հովիկ Աբրահամյանը հարցրեց, որ եթե այդ գումարը կա արդեն սպորտի և երիտասարդության նախարարության բյուջեում, ապա ինչո՞ւ են պահուստային ֆոնդից վերցնում: Սպորտի նախարարը պատասխանեց, որ նման գումար ընդհանրապես նախատեսված չի եղել: Վարչապետը նշեց, որ ավելի լավ է ամեն տարի այդ գումարը նախատեսեն բյուջեով, ոչ թե ամեն անգամ պահուստային ֆոնդից վերցնեն:

Որոշումն ընդունվեց: