Այվազյանին ուղղված պատասխանը չուշացավ

Այսօր ԱԺ արտահերթ նիստում, ուր քննարկվում էր հարկային նոր օրենսգիրքը, փոխադարձ խայթոցներ արձանագրվեցին ԲՀԿ խմբակցության պատգամավոր Վահե Էնֆիաջյանի ու ՀՀԿ պատգամավոր Վարդան Այվազյանի միջև:

Լրագրողների հետ զրույցում Էնֆիաջյանը նշեց. «Քանի որ երրորդ դեմքով ինչ-որ մի հայտարարություն է տեղի ունեցել, ես ուզում եմ ասել, որ ով ուզում է լինի` իր ապրած կյանքով, իր անցած ճանապարհով, ով հիմա կողքից մի բան ասի, իր տեսակով տենց մարդ չկա, որ իր վիրավորական խոսքով ինձ անձնավորած բան ասի ու համարժեք պատասխանը չստանա: Մարդ պետք է համապատասխան գիտակցություն ունենա, որ ԱԺ ամբիոնը քաղաքական ամբիոն է, և պետք է խնդիրներ մատնանշել: Եթե կոնկրետ իմ խոսքը ոմանց համար էդքան ցավագին է ընկալվել, որ փորձել են այդպես արտահայտվել, ով ուզում է լինի, ես, նրա ճակատին նայելով, կարող եմ ասել մի բան, որ նա բարոյական օրենքներից զուրկ է»: