Թուրքիայում փաստաբանները դատի կտան ԱՄՆ հյուպատոսարանին շենքի մոտ բետոնե պարիսպ կառուցելու համար

Թուրքիայում ահաբեկչական սպառնալիքի պատճառով Ադանայում ԱՄՆ հյուպատոսարանն անվտանգության միջոցառումներ է ձեռնարկում։ 

Ըստ Adanamedya-ի՝ երկաթե պարիսպով շրջափակված հյուպատոսարանը ահաբեկչության վտանգից պաշտպանվելու համար շենքի մոտ 5 մետր բարձրությամբ բետոնե պարիսպ է կառուցում։

Շենքի մոտ խանութներ ունեցող առևտրականները, սակայն, բողոքել են՝ նշելով, որ արգելվում է ինչպես մեքենաների, այնպես էլ հետիոտների տեղաշարժը։

Նշվում է, որ փաստաբանները պատրաստվում են դատի տալ հյուպատոսարանին, որը նման շինության թույլտվություն ունենալու փաստաթուղթ չի ներկայացրել:

ԱՄՆ հյուպատոսարանը հայտարարությամբ է հանդես եկել՝ նշելով, որ իրենք պարտավոր են անվտանգության նախաձեռնություններ անել, որպեսզի թե' թուրքերը և թե' ամերիկացիները չառերեսվեն ահաբեկչության վտանգի հետ: