Գերմանիայի նախագահը պաշտոնապես կհրաժարվի երկրորդ ժամկետով նախագահելուց

Գերմանիայի նախագահ` 76-ամյա Յոահիմ Գաուկն այսօր հանդես կգա հայտարարությամբ և պաշտոնապես կհրաժարվի նախագահել երկրորդ ժամկետով: Ըստ Bild-ի` պատճառը տարիքն է ու առողջական վիճակը. հայտնում է РИА Новости-ն: Ընդ որում` հավանականությունը, որ նա կվերընտրվեր, շատ մեծ է:

Որպես նախագահի հավանական թեկնածու` Spiegel-ը մի քանի անուն է նշում` ֆինանսների նախարար Վոլֆգանգ Շոյբլե, խորհրդարանի նախագահ Նորբերտ Լամերտ, պաշտպանության նախարար Ուրսուլա ֆոն դեր Լյայեն, Քրիստոնեա-սոցիալական կուսակցության երկրամասային բաժնի ներկայացուցիչ Գերդա Հասելֆելդ: Ամենահավանական թեկնածուն Լամերտն է:

Գերմանիայում նախագահը հիմնականում ներկայացուցչական գործառույթ ունի: Նրան ընտրում է Դաշնային ժողովը` 5 տարի ժամկետով: Գաուկը նախագահ է 2012-ի մարտի 18-ից: