Ադրբեջանը հաշվի չէր առել մի հանգամանք` կարգին տղերք ունենք` սահմանին կանգնած

Իրականում ոչ թե իշխանությունը, այլ մեր զինվորը փակեց թուրքերի դեմը, որ առաջ չգնան. այսօր` լրագրողների հետ հանդիպման ժամանակ, կարծիք հայտնեց գեղանկարիչ Նիկոլ Աղաբաբյանը:

Ըստ նրա` Ադրբեջանն իր հաշվարկներում սխալվել էր և  հաշվի չէր առել մի հանգամանք` կարգին տղերք ունենք` սահմանին կանգնած:

«Հիմա իրավիճակը բավականին բարդ է, ասում են` զորահավաք չկա, բայց կամավորների վերադարձն էլ չի խրախուսվում: Ստացվում է` մոբիլ բանակ չունենք, ինչը, մեղմ ասած, լավ չէ: Գուցե ավելի ճիշտ կլիներ, որ զորահավաք լիներ, որ մոբիլ բանակ ստեղծվեր: Մենք չենք հասկանում մի բան, որ, Ղարաբաղը կորցնելով, մենք Հայաստանն ենք կորցնում»,- ասաց Աղաբաբյանը:

Նրա կարծիքով` իրականում մեր վիճակն այնքան էլ լավ չէ, չնայած, ճիշտ է, մեզ չեն կարող հաղթել, բայց անելիքներ շատ ունենք: