Եթե անգամ մեզ զենք են տվել, պաշտպանվելու զենքեր են դրանք. Էդվարդ Միլիտոնյան

Սահմանին տիրող իրավիճակն այս օրերին մի բան ապացուցեց` հայ ժողովուրդը, իր փորձից ելնելով, պետք է նստի ու ինքն իր հետ խոսի, ինքն իր վրա հույսը դնի. այսօր լրագրողներին ասաց Հայաստանի գրողների միության նախագահ Էդվարդ Միլիտոնյանը:

Ըստ նրա` այս օրերը ցույց տվեցին նաև, որ պաշտպանությունը մեզ համար դարձել է դոմինանտ, և եթե մեզ զենք են տվել, պաշտպանվելու զենքեր են դրանք, իսկ ադրբեջանական կողմի համար` հակառակը:

«Այս 4 օրվա մեջ դարերի պատմությունը նորից կծկեցինք ու քանդեցինք: Կարծում եմ հասկացանք` թուրանական ճակատի դեմ մենակ ենք կանգնած, և եթե ինքներս մեզ լավ ճանաչեինք, որևէ մեկից այսքան ակնկալիքներ չէինք ունենա: Բացի այդ` մենք շատ թույլ ենք քարոզչության ասպարեզում, քարոզչության մեջ նույնպես պետք է նախահարձակ լինենք: Կարծես, արխային ենք ընկել, որ հաղթել ենք ու, դափնիների վրա պառկած, վերևից ենք նայում ամեն ինչին: Պետք է զգույշ լինել»,- ասաց Միլիտոնյանը:

Նրա կարծիքով` արցախյան դեպքերն ուղիղ կապ ունեն ապրիլի 24-ի հետ, և այդ դեպքերը ցույց են տալիս, որ հակառակորդն ունի այդ կերպ գործելու` հարձակվելու, կոտորելու քաղաքականություն: