Մեկնարկեցին Համաուսանողական սպորտային խաղերը

Մարտի 16-ին ՀՅԴ «Նիկոլ Աղբալյան» ուսանողական միությունը «Արամ Մանուկյան» երիտասարդական կենտրոնում տվեց Համաուսանողական սպորտային խաղերի մեկնարկը: Խաղերը կրում են «Նեմեսիս. Սողոմոն Թեհլերյան 95» խորագիրը՝  նվիրված Սողոմոն Թեհլերյանի կողմից Թալեաթ փաշայի սպանության տարեդարձին:

Նույն օրը տեղի ունեցավ ֆուտբոլի թիմերի վիճակահանության փուլը, որոշվեց ուսանողական 16 թիմերի մրցակցային կազմը: Բացման խոսքում, ՀՅԴ «Նիկոլ Աղբալյան» ուսանողական միության ատենապետ Ռուսլան Բարսեղյանը կարևորեց միջոցառման խորագրով դրա ենթատեքստը պահպանելու հանձնառությունը, ապա նշեց, որ միության համար կարևոր խնդիր է ոչ միայն հայ ուսանողության մտավոր, գիտական և գաղափարաքաղաքական պատշաճ պատրաստվածության խնդիրը,այլ նաև ֆիզիկական: Նա նշեց, որ սպորտն ունակ է լավագույնս մերձեցնել ուսանողներին՝  դառնալով բարի և ամուր ընկերության լուրջ գրավական: Հաջողություն մաղթելով ձեռնարկին` Բարսեղյանը խոսքը փոխանցեց ծրագրի գլխավոր համակարգող Արտակ Մելիքյանին, ով անցկացնելով վիճակահանությունը` ներկայացրեց սպորտային խաղերի կանոններն ու մանրամասները, ինչից հետո կողմերը միմյանց հրաժեշտ տվեցին` սպասելով մի քանի օրից մեկնարկող սպորտային խաղերին: