Monte Carlo Masters. Նադալն ու Ջոկովիչը հաղթանակով մեկնարկեցին

Մոնտե Կարլոյում ընթացող Masters-ի երկրորդ մրցափուլում աշխարհի ուժեղագույն թենիսիստ Նովակ Ջոկովիչը, ում մասնակցությունը Masters-ին մեծ հարցականի տակ էր, հաղթանակ տարավ ռուս Միխայիլ Յուժնիի նկատմամբ` 4:6, 6:1, 6:4, և դուրս եկավ առաջնության երրորդ փուլ:

Աշխարհի հինգերորդ ուժեղագույն թենիսիստ` իսպանացի Ռաֆայել Նադալը, ով իր ուժերը չափում էր ավստրալացի Մարինկո Մատոշեւիչի հետ, նույնպես հաղթանակ տոնեց, սակայն, ի տարբերություն Ջոկովիչի, Նադալը հաղթեց երկու սեթերում և  բացահայտ առավելությամբ` 6:1, 6:2:

Մյուս հանդիպումներում գրանցվել են հետևյալ արդյունքները`

Յարկո Նեմինեմ (Ֆինլանդիա) – Միլոշ Ռաոնիչ (Կանադա) - 6:3, 1:6, 7:6 

Տոմաշ Բերդիխ (Չեխիա) – Մարսել Գրանոլերս (Իսպանիա) – 7:5, 6:4

Ֆլորիան Մայեր (Գերմանիա) – Ռոբերտո Բաուտիստա-Ագուտ (Իսպանիա) — 5:7, 6:4, 6:4

Մարին Չիլիչ (Խորվաթիա) – Կեւին Անդերսոն (ՀԱՀ) - 6:2, 6:3