Ցանկացած մարդ ինքն է որոշում՝ ինչ բառ օգտագործի. Սուքիաս Ավետիսյանը` երեկվա լեզվակռվի մասին

ԱԺ ՀՀԿ-ական պատգամավոր, էթիկայի հանձնաժողովի անդամ Սուքիաս Ավետիսյանն այսօր լրագրողների հետ զրուցում անդրադարձավ երեկ ԱԺ նիստերի դահլիճում տեղի ունեցած միջադեպին:

«Եթե կա փաստ, ու այդ փաստը հիմնավորվում է, հանձնաժողովը համարում է դա էթիկայի խախտում: Այլ լիազորություն հանձնաժողովին վերապահված չէ»,- ասաց նա:

Հիշեցնենք, որ երեկ նիստերի դահլիճում լեզվակռիվ եղավ պատգամավոր Նիկոլ Փաշինյանի և ՀՀԿ-ական պատգամավորներ Առաքել Մովսիսյանի ու Կարեն Ավագյանի միջև, անգամ` հայհոյանքներ հնչեցին:

«Համենյան դեպս, ցանկացած մարդ ինքն է որոշում՝ ինչ բառ օգտագործի: Կարծում եմ, որ հասարակական վայրերում, հատկապես` Ազգային ժողովում արտահայտվելիս բոլորը պետք է զգույշ լինեն»,- նշեց Ավետիսյանը: