Թուրքիան ԻՊ-ի հետ կապ ունեցող ՌԴ քաղաքացիներին արտահանձնել է Ուկրաինային և Վրաստանին. ՌԴ դեսպան

Ռուսաստանի` «Իսլամական պետություն» ահաբեկչական խմբավորման հետ կապ ունենալու մեջ կասկածվող քաղաքացիներին Թուրքիան արտահանձնել է երրորդ երկրների, օրինակ՝ Վրաստանին կամ Ուկրաինային։ Այդ մասին ասել է Անկարայում Ռուսաստանի դեսպան Անդրեյ Կարլովը. հայտնում է РИА Новости-ն:

«Շատ հաճախ Ռուսաստանի քաղաքացիները, որոնք կասկածվում էին ԻՊ-ի հետ կապ ունենալու մեջ, արտահանձնվել են ոչ թե Ռուսաստանին, այլ երրորդ երկրների, որոնց հետ մենք կա\'մ չունենք դիվանագիտական հարաբերություններ (Վրաստան), կա\'մ հարաբերությունները լարված են (Ուկրաինա): Եթե կասկածյալն արտահանձնվում է այդ երկրներին, նրանց ձերբակալության ուղղությամբ մեր գործողությունների հնարավորությունները դառնում էին զրոյական»,- ասել է նա: