Թուրքիան ընդլայնել է անձանց ցուցակը, որոնց պահանջում է արտահանձնել Շվեդիայից. Radio Sweden

Թուրքիայի իշխանություններն ընդլայնել են անձանց ցուցակը, որոնց պահանջում են արտահանձնել Շվեդիայից՝ այն 33-ից հասցնելով 42-ի, հաղորդում է Radio Sweden-ը։

«Radio Sweden-ի տվյալներով՝ Թուրքիան պահանջում է ավելի շատ մարդկանց արտահանձնել Շվեդիայից, քան հայտնի էր նախկինում։ Նրանց մեծամասնությունը մեղադրվում է Թուրքիայում ահաբեկչական համարվող կազմակերպություններին անդամակցելու համար»,- ասվում է հրապարակման մեջ։

Ռադիոկայանի ունեցած տեղեկությունների համաձայն՝ ցուցակն ընդլայնվել է՝ 33-ից հասնելով 42-ի։ Ենթադրվում է, որ անձանցից 16-ը կապված է Թուրքիայում արգելված «Քրդական բանվորական կուսակցության» (PKK), 12 -ը Գյուլենի շարժման հետ, որն Անկարայի կողմից համարվում է ահաբեկչական, 7-ը՝ ձախ խմբավորումների հետ։ ԶԼՄ-ների տեղեկություններով՝ եւս յոթ անձի մեղադրանք է առաջադրվել տարբեր տեսակի քրեական հանցագործությունների, ինչպես օրինակ՝ մաքսանենգության համար։

Անձանց արտահանձնումը հիմնական պահանջնե է, որը Թուրքիան դրել է Շվեդիայի դիմաց՝ ՆԱՏՕ-ին նրա անդամակցությանը համաձայնելու դիմաց: Մինչդեռ անցյալ երկուշաբթի Շվեցիայի Գերագույն դատարանը մերժել է Թուրքիայում 2016 թվականին տեղի ունեցած հեղաշրջման փորձի համար Անկարայի մեղադրվող լրագրող Բյուլենթ Քենեշի արտահանձնումը Թուրքիային: