Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Երևանի պետական բժշկական համալսարանի համար մեծագույն պատիվ է եզակի գիտական իրադարձության` «Նոբելյան օրեր Երևանում» շրջանակներում մեկ հարկի տակ հյուրընկալել հինգ նոբելյան մրցանակակիրների, որի նպատակը գիտական նվաճումների նոբելյան ժառանգության մասին փաստերի հայտնաբերումն ու արժանի կերպով տարածումն է:
Այս իրադարձությունը Հայաստանում երբևէ կազմակերպված ամենանշանավոր միջոցառումներից մեկն է: Առաջինն այն հնարավորություն է տալու փորձառու և երիտասարդ գիտնականներին, ինչպես նաև տարածաշրջանի ուսանողներին ճանաչել և համագործակցել այն նշանավոր անձանց հետ, ովքեր արժանացել են գիտական նվաճումների համար բարձրագույն պարգևին: Այն նաև տարբեր մասնագիտացում, կրոն և ավանդույթներ ունեցող գիտնականների միջև երկխոսության մեծ հնարավորություն է:
Տեղեկացի՛ր արդյունավետ հետազոտության պլանավորման մասին և սովորի՛ր, թե ինչպես բռնել դեպի հաջողություն տանող ճանապարհը: Ստացի՛ր հնարավորություն լսելու արժեքավոր կարծիքներ քո գիտական հետաքրքրությունների մասին: Միանալով մեզ՝ կունենաս պաշտոնական և անձնական շփումներ մեծագույն գիտնականների հետ, որոնց հայտնագործությունները տիեզերքը դարձրել են ավելի հասկանալի:
Երևանի պետական բժշկական համալսարանի և կազմկոմիտեի անունից ուրախ ենք ողջունել «Նոբելյան օրեր Երևանում»-ի բոլոր դափնեկիրներին և մասնակիցներին: Վստահեցնում ենք, որ այս իրադարձությունը կտա ձեզ նոր գաղափարներ և կնպաստի ձեր հետազոտական աշխատանքների որակի բարձրացմանը:
Անհամբեր սպասում ենք արդյունավետ հաղորդակցմանն ընկերական մթնոլորտում
ՈԳԵՇՆՉՎԻ՛Ր և ՍՏԵՂԾԻ՛Ր
Կ. Բ. Ենկոյան
պրոֆեսոր
համակարգող հանձնաժողովի նախագահ
Մ. Զ. Նարիմանյան
պրոֆեսոր
հյուրընկալող համալսարանի ռեկտոր
Ի դեպ, Երևանում դասախոսություններով հանդես կգան կենսաբաններ Աարոն Չեխանովերը, Ադա Յոնաթը, քիմիկոս եւ ֆիզիկոս Դան Շեխտմանը (Իսրայել), պատոլոգիստ Ջոն Ուորենը (Ավստրալիա) և քիմիկոս Էյիթի Նեգիսին (Ճապոնիա):