Խաղաղության Նոբելյան մրցանակը չի՞ գտնի իր հասցեատիրոջը

Նորվեգական Նոբելյան կոմիտեն հայտարարել է, որ հնարավոր է՝ խաղաղաության Նոբելյան մրցանակի հանձնման արարողությունը տեղի չունենա, քանի որ Չինաստանը ճնշել է երկրներին՝ չմասնակցելու արարողությանը, իսկ պարոն Լիուին և նրա ընտանիքին արգելել է մրցանակն ընդունելու համար Նորվեգիա այցելել (մրցանակը ոսկե մեդալ է և 1.4 միլիոն ԱՄՆ դոլար): 

Նոբելյան ինստիտուտի տնօրեն Գեիր Լունդեստադն ասել է, որ 36 դեսպաններ ընդունել են նրանց առաջարկը, 16-ը չեն պատասխանել, իսկ 6-ը մերժել են առաջարկը՝ Չինաստանը, Ռուսաստանը, Ղազախստանը, Կուբան, Մարոկկոն և Իրաքը:

Օսլոյում չինական դեսպանատունը նամակ է ուղարկել քաղաքում գտնվող այլ երկրների դեսպանատներին՝ պահանջելով նրանցից չմասնակցել արարողությանը: « Չեմ կարող որևէ օրինակ բերել, երբ երկիրը այսքան ակտիվորեն և անմիջականորեն փորձել է դեսպաններին հեռու պահել Նոբելյան արարողությունից»,- ասել է Գ. Լունդեստադը:

Պարոն Լիուն առաջին մարդն է Չինաստանից, ով արժանացել է Նոբելյան Խաղաղության մրցանակին՝ Չինաստանում մարդու իրավունքների համար տարած իր երկար և ոչ բռնի պայքարի համար: